تراشق حاد بالافاظ بين الاعلامى احمد حسام ميدو والفنان احمد السعدنى بعد هزيمة النادى الاهلى امام الترجى الرياضى التونسى فى نهائى دورى ابطال افريقيا وضياع البطولة الافريقية للمرة الثانية على التوالى.
وكان تويتر مسرح الاحداث حيث قام السعدنى بالرد على تغريدة ميدو التى كتب فيها :"كريستال الذره الشهيه ٣ تجوال وبنيه." كاتباً :"انا بحبك انت عارف بس هو انت افتكرت انك زملكاوي متعصب فجاه من شهر كده بريزنتيشن و حضور ماتشات بلبس الزمالك و وصلنا لكريستال الدره 😂 و لا ده تمهيد لنزول انتخابات بعد كده يا عالمي 😉 عموما بالتوفيق مع الانتاج ماتش تقيل 👍."
ليقوم ميدو بالرد عليه معلقاً :"والله أبداً الواحد بس زعلان ان رئيس الشركه الراعيه رايح يشجع الاهلي واحنا من سنتين كنا بنلعب نهائي ماحدش حتى قالنا سلامو عليكم..الفجر وحش يا احمد ونهايته وحشه..انت شوفت كل الناس اللي فجرت راحت ورا الشمس..صباح الفل.."
وعاد السعدنى ليرد عليه مرة اخرى فقال :"علي فكره لا اخفيك سراً يعني طول عمري لما بتتغلبوا في افريقيا بفرح بس بكتمها يا اخي بعمل اعتبار ان في واحد زملكاوي بيحبني انت حر بس حقيقي بتخسر ناس كتير و الاسلوب مش عالمي خالص يا عالمي صباح الفل."
ليبدأ ميدو بالتعصب ويرد على قائلاً :"خليك محافظ على شعبيتك انت وان شاء الله بكره تبقى نجم كبير وتكسر الدنيا..بالتوفيق.."
ليرد السعدنى قائلاً:"حاضر يا حبيبي و اعيش و اشوفك مدرب كبير برضه ان شاء الله و تمسك نجوم المستقبل 😘"
ليرد ميدو ضاحكاً :"ان شاء الله بيكلموني 😂😂😂"
